第一次修訂稿: 2017年8月13日5:15PM
第二次修訂稿: 2017年8月17日10:45PM
第三次修訂稿: 2017年9月2日11:30PM
第四次修訂稿: 2017年12月10日6:30PM
第五次修訂稿: 2018年5月19日7:10PM
首先聲明,呢篇文唔係廣告文,純粹係用家試用後的BLOG文.
雖然唔係遠足活動,不過呢類「共享單車」服務其實適合郊遊活動多於代步,因為價錢太貴(區內巴士/小巴未必要$5單程). 所以blog主都想介紹下用後感.
2018年5月更新:
近期由於越來越多單車無法解鎖(可能是保養問題),如要新登記使用請三思.
BLOG主已經退回按金,並發現申請刪除戶口後同一天,有關公司已安排將款項退回相關的信用卡,過多幾天網上銀行已看到,值得讚賞呢!
手機APP篇
BLOG主係使用iOS 平台安裝手機APP, 安裝後可以查閱附近有什麼單車,但根據筆者經驗,即使在空曠地方,定位準確度都係未夠你知道確實邊部車泊邊度. 下圖是調景嶺一帶手機APP顯示單車停車的示例,雖然一個政府單車停車場(下面手機APP 藍色P字位)實際隨時有十幾廿架車以上,但係手機APP內根本就見唔到有車係停車場內,全部都偏離左停車場範圍. 因此筆者建議,係新市鎮的話,不妨去單車停車場找尋一下而非靠手機APP慢慢找.
另外,手機APP有背景用定位的問題,要手動關APP.
安裝手機APP後, 要登記戶口同俾錢才可以租車,依家登記可使用手機號碼或FACEBOOK 戶口. 然後可用信用卡或APPLE PAY 俾押金. 可能大家之前都唔陌生之前曾傳聞呢類中小企業手機APP有泄露信用卡資料的危險,因此我選擇用APPLE PAY 俾錢.
跟著就係入邀請碼, BLOG主的號碼係 a683j5 , 入左就可以羅1個鐘免費試用. 否則,就要好似八達通增值咁,入定$50/$100,之後才可以開始用. 收費係$5/30分鐘, 因此31分鐘就$10. 建議早五分鐘就要找地方泊車,否則得一兩分鐘未必咁易找到合適泊車位.
[第二次更新加入提示:
GoBee. Bike 最近加入了部份較少見的單車(以紫色標示,按入去會寫上單車號碼),踩去指定泊車點(以紅圈標示)可以有首半小時免費優惠. BLOG主測試了幾次,發現有關功能並不穩定,有時會無左優惠,建議你print screen 記下有關畫面,如果無左優惠就可以facebook 私信俾GoBee. Bike叫佢地check 返. 根據blog主經驗,要兩日後才會回覆
第四次更新加入提示:
最近似乎未有見到紫色單車,但明顯泊在路邊(即違規)的單車數量少左. 只外新版APP定位似乎定為更準確,少了偏離地點的情況]
搵車/試車/解鎖篇
GoBee.Bike 個網頁其實都有介紹點樣用,有D貼士可以提供係搵到車之後,用手機APP解鎖單車前,記緊留意下電話信號強度,以免網絡不穩發生問題.
網上如果睇APP STORE留言,會見很多人都反映D車有些壞左,所以GoBee.Bike 個FACEBOOK 有提醒拎車前,記緊試下D基本裝備,例如座位同腳踏,煞車制等. 如果夜晚用,更要睇下D車頭/車尾燈用唔用到. 另外,由於呢間公司不斷有新車推出,因此會見到有少許不同設計的單車,大家不妨試下各種設計,睇下邊隻易用D.
[第四次更新補充: 新版手機APP已提示首1分鐘試用功能,請緊記試清楚單車的各項功能,如果單車未能正常使用,請盡快鎖回單車,以免扣費)
用手機APP掃瞄QR CODE後, 架車後響一聲,之後車尾的單車鎖會解開,然後可以開始使用.
BLOG主試過解鎖失敗,雖然聽到響聲,藍燈亦閃左一下,但鎖未有解除,而個APP無當我租到並出左錯誤提示.
接著就可以自由去踩. 由於無波段選擇, 根據筆者經驗,行平路或上輕微斜路係無問題,但要上天橋或落隧道就真係體力的考驗.
[第三次更新補充: 如果想慳力一些,記緊調校座位高度,最好是坐上座位後非常牽強用腳踏到地就最省力. 如果很容易踏到地則太低,容易令到兩隻腳過分屈曲,浪費體力.
第四次更新補充: 有時解鎖的時候,鎖已響起,但鎖未能完全解開.根據經驗,如果鎖已解開少許,可以用手試下推一推可否繼續解埋餘下的部份.]
最後去到停車位泊低架車,跟著手動鎖車,記緊鎖車又係會響一聲同有藍燈. 雖然係唔少地方都會見到d人亂泊街邊好似幾方便,但為免其他人找唔到車用或阻礙其他人,blog主都係建議泊返政府停車位.
然後睇返手機APP,會見到有行程簡介,由於係第一次試用,所以免費. 筆者平路大約踩到最高時速約15km/h. 半個鐘有上落斜,大約踩到6km.
